ਨਵਾਸ਼ਹਿਰ (ਮਨੋਰੰਜਨ ਕਾਲੀਆ) : ਸ਼ਹਿਰ ਦੇ ਅੰਬੇਡਕਰ ਚੌਕ ਵਿੱਚ ਸਥਿਤ ਸ਼ਰਾਬ ਦੇ ਠੇਕੇ ਨੂੰ ਬੀਤੀ ਦੇਰ ਰਾਤ ਸ਼ੱਕੀ ਹਾਲਾਤਾ ਵਿੱਚ ਅੱਗ ਲੱਗ ਗਈ | ਜਿਸ ਕਾਰਨ ਠੇਕੇ ਵਿੱਚ ਪਿਆ ਕਰੀਬ 25 ਲੱਖ ਦਾ ਸਾਮਾਨ ਸੜ ਕੇ ਸੁਆਹ ਹੋ ਗਿਆ | ਪੁਲਿਸ ਵੱਲੋਂ ਅੱਗ ਲੱਗਣ ਦੇ ਕਾਰਨਾ ਦਾ ਅਜੇ ਤੱਕ ਨਹੀ ਦੱਸਿਆ ਗਿਆ ਹੈ | ਜਦਕਿ ਮੌਕੇ ਤੇ ਹਾਜਰ ਲੋਕਾ ਦਾ ਕਹਿਣਾ ਹੈ ਕਿ ਇਕ ਮੋਟਰਸਾਈਕਿਲ ਤੇ ਸਵਾਰ ਦੋ ਨੌਜਵਾਨਾ ਨੇ ਠੇਕੇ ਤੇ ਕੋਈ ਜਲਨਸ਼ੀਲ ਪਦਾਰਥ ਸੁੱਟ ਕੇ ਫਰਾਰ ਹੋ ਗਏ ਜਿਸ ਤੋ ਬਾਦ ਠੇਕੇ ਨੂੰ ਅੱਗ ਲੱਗੀ | ਅੱਗ ਐਨੀ ਤੇਜੀ ਨਾਲ ਭੜਕੀ ਕੀ ਕੁਝ ਹੀ ਮਿੰਟਾ ਵਿੱਚ ਅੱਗ ਦੀਆ ਲਪਟਾ ਆਸਮਾਨ ਛੂੰਹਣ ਲੱਗੀਆ | ਮੌਕੇ ਤੇ ਪਹੁੰਚੀਆ ਫਾਇਰ ਬਿਗ੍ਰੇਡ ਦੀਆ ਗੱਡੀਆ ਨੇ ਕਰੀਬ ਇਕ ਘੰਟੇ ਦੀ ਮੁਸ਼ਕਤ ਦੇ ਬਾਦ ਅੱਗ ਦੇ ਕਾਬੂ ਪਾਇਆ |
ਜਾਣਕਾਰੀ ਅਨੁਸਾਰ ਅੰਬੇਡਕਰ ਚੌਕ ਵਿੱਚ ਸਥਿਤ ਅੰਗਰੇਜੀ ਤੇ ਦੇਸੀ ਸ਼ਰਾਬ ਦੇ ਠੇਕੇ ਤੇ ਬੀਤੀ ਰਾਤ ਕਰੀਬ ਪੌਣੇ ਬਾਰਾ ਵਜੇ ਅਚਾਨਕ ਅੱਗ ਲੱਗ ਗਈ | ਠੇਕੇ ਦੇ ਅੰਦਰ ਮੁਲਾਜਮ ਨੂੰ ਬਾਹਰ ਨਿਕਲਣ ਲਈ ਬੜੀ ਮੁਸ਼ਕਿਲ ਨਾਲ ਕੱਢਿਆ ਗਿਆ ਫਿਰ ਵੀ ਉਹ ਜਖਮੀ ਹੋ ਗਿਆ. ਜਿਸਨੂੰ ਇਲਾਜ ਲਈ ਸਰਕਾਰੀ ਹਸਪਤਾਲ ਨਵਾਂਸ਼ਹਿਰ ਭਰਤੀ ਕਰਵਾਇਆ ਗਿਆ | ਪੁਲਿਸ ਪ੍ਰਸ਼ਾਸਨ ਅੱਗ ਲੱਗਣ ਦੇ ਕਾਰਨ ਦਾ ਅਜੇ ਤੱਕ ਕੋਈ ਖੁਲਾਸਾ ਨਹੀ ਕਰ ਸਕੀ | ਪਰ ਮੌਕੇ ਤੇ ਹਾਜਰ ਲੋਕਾ ਦਾ ਕਹਿਣਾ ਹੈ ਕਿ ਇਕ ਮੋਟਰਸਾਈਕਿਲ ਤੇ ਸਵਾਰ ਦੌ ਨੌਜਵਾਨਾ ਵੱਲੋਂ ਸੁੱਟੇ ਗਏ ਜਲਣਸ਼ੀਲ ਪਦਾਰਥ ਤੋ ਬਾਦ ਠੇਕੇ ਨੂੰ ਅੱਗ ਲੱਗੀ | ਇਸ ਘਟਨਾ ਤੋ ਬਾਦ ਇਲਾਕੇ ਵਿੱਚ ਦਹਿਸ਼ਤ ਵੀ ਪਾਈ ਜਾ ਰਹੀ ਹੈ | ਜਦ ਇਸ ਸਬੰਧ ਵਿੱਚ ਪੁਲਿਸ ਅਧਿਕਾਰੀਆ ਨਾਲ ਗੱਲ ਕੀਤੀ ਤਾਂ ਉਨਾ ਇਸ ਗੱਲ ਤੋ ਕੁਝ ਵੀ ਕਹਿਣ ਤੋ ਇਨਕਾਰ ਕੀਤਾ ਕੀ ਅਜੇ ਜਾਂਚ ਚੱਲ ਰਹੀ ਹੈ | ਜਾਂਚ ਤੋ ਬਾਦ ਹੀ ਇਸ ਬਾਰੇ ਕੁਝ ਕਿਹਾ ਜਾ ਸਕਦਾ ਹੈ |